Keep Wales Tidy / Cadwch Gymru'n Daclus

19 Mai 2009

Newyddion da eto i draethau a marinas Cymru.

Ychydig ddiwrnodau wedi’r proffwydo fod Cymru am fwynhau haf poeth hefo haul cyson dyma newyddion da eto heddiw (ddydd Mawrth, Mai 19eg) bod llawer o draethau a marinas Cymru wedi dod i’r brig oherwydd eu safon uchel.

Mae tri deg ac wyth o draethau a phum marina wedi cyrraedd safon y meini prawf llym sydd yn ofynnol er mwyn cael chwifio’r Faner Las ryngwladol. O’r wyth marina ym Mhrydain a lwyddodd i gwrdd â’r gofynion mae pump yng Nghymru.

Mae’r traethau’n cael eu beirniadu yn ôl mwy na 30 o feini prawf sydd yn cynnwys cyrraedd y safon uchaf o ran ansawdd y dŵr, rheoli sbwriel yn dda, cyflwyno gwybodaeth mewn modd hawdd ei darllen, rheolaeth gaeth ar gŵn a chadwraeth amgylcheddol gynaliadwy. Roedd y marinas yn gorfod cwrdd ag 16 o feini prawf sydd yn ymwneud â phethau ar y tir yn cynnwys adnoddau digonol i dderbyn gwastraff, cyfarpar achub bywyd ac ymrwymiad i barchu a diogelu’r amgylchedd lleol.

Mae rhaglen y Faner Las yn gweithredu ar hyn o bryd mewn mwy na 40 o wledydd drwy’r byd ac mae’n cael ei rheoli yng Nghymru ar ran y Foundation for Environmental Education o Ddenmarc.

Mae traeth Llanfairfechan ymysg y rhai sydd wedi ennill eleni am y tro cyntaf a’r stori yw bod rysáit gwreiddiol Guinness wedi tarddu o win tywyll a oedd yn cael ei wneud yn y dref honno, a bod Arthur Guinness o Iwerddon wedi ei fabwysiadu ar ôl ymweld droeon â’r dref. Mae Coppet Hall yn sir Benfro a Marina Penarth hefyd ymysg yr enwau newydd ar y rhestr.

Dyma sylwadau Tegryn Jones, y Prif Weithredwr "Yn y dyddiau anodd hyn rydym yn ffodus iawn yng Nghymru o fedru dweud wrth ddarpar ymwelwyr bod ein traethau a’n marinas wedi dod i’r brig a’u bod ymysg y 2696 o draethau a 639 o farinas drwy’r byd y gellir eu hystyried yn gyrchfannau gwyliau o’r radd flaenaf".

Yna ychwanegodd "Fe ddylai’r newydd da hwn fod o fantais fawr i ni mewn diwydiant ymwelwyr sydd yn un hynod o gystadleuol. Rydym yn ddibynnol iawn ar yr incwm a ddaw yn sgil twristiaeth ac rydym yn ffodus bod yr awdurdodau lleol a Dŵr Cymru wedi gweld yn ddigon pell i fuddsoddi mewn gwella’r cyfleusterau ar y tir ac ansawdd y dŵr ymdrochi.

Rhestr o’r Traethau a’r Marinas a Enillodd y Faner Las yn 2009:

Abertawe	^{Bae Bracelet}
	^Caswell
	^Langland
	^{Porth Einon}
Bro Morgannwg	^{Bae Whitmore}
Castell Nedd Port Talbot	^Aberafan
Ceredigion	^Aberporth
	^Borth
	^Llangrannog
	^{Harbwr Cei Newydd}
	^Tresaith
Conwy	^{Llanfairfechan}
	^Penmaenmawr
	^{Traeth y Gogledd}
Gwynedd	^Tywyn
	^Abersoch
	^{Dinas Dinlle}
	^Ffriog
	^Pwllheli
Pen-y-bont ar Ogwr	^{Porthcawl, Bae’r Rest}
Pen-y-bont ar Ogwr	^{Bae Trecco}
Sir Benfro	^{Coppet Hall}
	^Dale
	^Lydstep
	^Niwgwl
	^{Traeth Poppit}
	^Saundersfoot
	^{Dinbych y Pysgod – Traeth y Castell}
	^{Dinbych y Pysgod - Traeth y Gogledd}
	^{Dinbych y Pysgod - Traeth y De}
	^{Tŷ Ddewi – Porth Mawr}
Sir Ddinbych	^{Traeth Canol Prestatyn}
Ynys Môn	^Benllech
	^{Porth Swtan}
	^{Porth Dafarch}
	^Llanddona
	^{Llanddwyn-Niwbwrch}
	^{Bae Trearddur}
Marinas	^Caergybi
	^Caernarfon
	^Abertawe
	^Penarth
	^{Hafan Pwllheli}

^{NODIADAU I OLYGYDDION:
Os hoffech gael rhagor o wybodaeth, cysylltwch â Wynne Williams, Rheolwr Cyfathrebu, Cadwch Gymru’n Daclus. Ffôn 01286 674081/02920726993 neu symudol 07768422360.

Mae Cadwch Gymru’n Daclus yn Elusen Amgylcheddol Gofrestredig sydd yn gweithio tuag at wella amgylcheddau lleol Cymru. Cewch ragor o wybodaeth am Cadwch Gymru’n Daclus ar ein gwefan: ^{www.cadwchgymrundaclus.org}}

Keep Wales Tidy / Cadwch Gymru'n Daclus

Enillwyr Baner Las 2009

Enillwyr Baner Las 2009

Newyddion da eto i draethau a marinas Cymru.